Ffurfiwyd Cymdeithas Gymraeg Amwythig gan griw bychan o Gymry ieuanc a oeddent wedi dod i fyw i`r dre i ddilyn eu gyrfaoedd ym 1934.  Aeth deg ohonynt  ar wibdaith i ben Grinshill am "Bicnic" ar Fehefin 5ed  a thyngwyd llw ganddynt i sefydlu Cymdeithas Gymraeg yn yr Amwythig cyn y Gaeaf. Seliwyd y llw drwy blannu Baner  Y Ddraig Goch ar gopa`r bryn ,a sefydlwyd Y Gymdeithas yn Ysgoldy Capel Y Tabernacl ,ar y Dogpole ,lle cai pob Cymro Cymraeg ymgomio yn yr iaith Gymraeg.

Eleni  `rydym yn dathlu  ei  75ed Penblwydd  drwy gerdded i fyny i gopa Grinshill ( Fel y rhai ym 1934) ac yna cael Swper yng ngwesty`r  "Sparrow" ger Eglwys Battlefield. Bydd hyn ar Fai 22ain 2009.Mae`r manylion yn Rhaglen 20080/2009.

Cyfarfu`r Gymdeithas bob pythefnos o Fis Medi i  Fis Mai yn Festri Capel Swan Hill yn yr Amwythig.

Cymraeg yw iaith y cyfarfodydd a cheir nosweithiau amrywiol --- Darlithiau, Nosweithiau Cerddorol,ac ymweliadau gan Feirdd  a Phrif-lenorion ein gwlad. Croesawir  Dysgwyr yn gynnes iawn , gan fod hyn yn gyfle iddynt i siarad eu iaith newydd. Mae`r  Gymdeithas  yn cysylltu a Chymdeithasau Cymraeg eraill -- Llwydlo, Trallwng , Croesoswallt , Telford ,a Wolverhampton.
 

Digwyddiad pwysicaf ein blwyddyn yw Cyngerdd Dydd Gwyl Dewi Sant, a`r pwrpas yw codi swm sylweddol o arian ar gyfer elusen leol. Bydd Cyngerdd 2009 yn y Theatr Severn newydd ar 28ain o Chwefror. Yr Arweinydd fydd Sian Lloyd ,sy`n darogan y tywydd ar I.T .V.  Cor Meibion Pen-y-bont -ar Ogwr a Band Pres Ieuenctid o Gasnewydd fydd perfformwyr y noson. Mae`r tocynnau i gyd wedi eu gwerthu ond efallai bydd rhai wedi eu dychwelyd---- rhowch ganiad ar 01743 282281 rhag ofn!

Digwyddiad hyfryd arall yw Cinio Dathlu Dydd Gwyl Dewi Sant ar Fawrth 7fed ym Mwyty`r Stadiwm Peldroed Newydd.Ein Gwestai yw Mererid Hopwood o Sir Benfro.Mae hi wedi ennill y prif wobrau llenyddol yn yr Eisteddfod Genedlaethol--- Y Gadair , Y Goron, a`r Fedal Ryddiaith-- Camp yn wir !

Os byddwch am ddod i`r cinio,  gwelwch y fwydlen amgeuedig sy`n rhoi `r manylion archebu.

 

01743 872202      e-mail arfonjarman@btinternet.com